ԱՇԽԱՐՀԻ ԿՈՐԾԱՆՄԱՆ նոր օրն ու ժամը

ԱՇԽԱՐՀԻ ԿՈՐԾԱՆՄԱՆ նոր օրն ու ժամը` 2029 թվականի ապրիլի 13-ի ժամը 04.36-ին

Աշխարհի կործանման օրը 2029 ապրիլի 13-ին, առավոտյան ժամը 4.36-ին. այս մասին գրում է lratvakan.am-ը` հղում անելով vesti.ru-ին, որն էլ հաղորդել  է, որ ըստ աստղագետների հաշավարկների, հենց այդ ժամանակ 65 հազար ատոմային ռումբերի էներգիա պարունակող 50 միլիոն տոննա զանգվածով և 320 մ տրամագծով Apophis աստղակերպը կարող է հատել Լուսնի ուղեծիրը և ընկնել այսպես կոչված «գրավիտացիոն փորվածքը»:
«Եթե աստղակերպն ընկնի Երկրի մակերևույթին, ապա հենց միայն դրա անկումից ժայթքումներ կլինեն, ինչպես հազարավոր ատոմային ռումբերի անկման դեպքում» – ասել  է ՄՊՀ-ի Պետական աստղագիտական ինստիտուտի լաբորատորիայի տնօրեն Միխայիլ Պրոխորովը:

Գիտնականները միջոցներ են փնտրում ասղակերպի ուղին դադարեցնելու համար: Ոմանք առաջարկում են Apophis-ի մակերևույթին հաստատել հրթիռային շարժիչ, մյուսները’ այն շպրտել տիեզերանավի հարվածով, երրորդները’ պայթեցնել միջուկային հզոր լիցքերով:
Բախման դեպքում Apophis-ը շատ վնասներ կարող է հասցնել: Նրա անկման վայրը համապատասխանում է Ռուսաստանի, Կենտրոնական Ամերիկայի և Ատլանտիկայի հատվածին: Եթե Apophis-ն օվկիանոսն ընկնի, կձևավորվի 3 կմ խորությամբ և 8 կմ շառավղով փոս, որից ցունամիի ալիքներ կձևավորվեն:
lratvakan.am-ը նաև գրում է, որ Ռուսաստանում արդեն մշակում են մոլորակն ապոկալիպսիսից փրկելու իրենց միջոցը: Ռուս գիտնականները մտադիր են Apophis ուղարկել «գրավիտացիոն տրակտոր»: Այն կուսումնասիրի այդ տիեզերական մարմնի վարքը, նրա բաղադրությունը: Առաքելությունը նախատեսվում է իրականացնել 2020 թվականին: